Cando me propuxeron contar a miña experiencia como enfermo
renal facilitouseme un guión que relataba os aspectos a tratar. Non son de
seguir guións, pero este, en concreto, pareceume do mais axeitado, así que comezarei
por onde se me suxire relatando a recepción do diagnóstico. Haberá xente para a
que encontrarse con que se padece unha enfermidade renal resultará unha
sorpresa, supoño que unha moi desagradable, pero non é o meu caso. Son
diabético dende os doce anos, iso si foi unha sorpresa, non tiña antecedentes
familiares e a miña saude era estupenda. Unha das primeiras cousas que lles
contaron aos meus pais (eu tamén estaba pero non me fixeron moito caso) eran as
posibles complicacións derivadas da enfermidade, e os problemas renais estaban
na lista, iso si, deixarannos moi claro que de aparecer fariao a largo plazo e
que un bo control da diabete excluía esa posibilidade. Pero a miña diabetes non
é de fácil control, e xa fai tempo que me quedou claro que acabaría tendo que
afrontar esta situación, así que recibín o diagnóstico coa resignación de quen
sabe que o que chega era inevitable e coa convicción de que que non me impediría
levar unha vida que me fixera sentir satisfeito.
Parareime aquí un momento porque, aínda que dúbido que o
meu relato poida servirlle de algo a alguen, se hai unha conclusión que si
quero compartir é que a pesares do engorro das horas semanais pasadas conectado
a máquina, das pastillas, da dieta que non deixa moitas alegrías e, sobre todo,
da limitación do líquido que un pode beber (con diferencia o que peor levo) a miña
vida non é diferente nin peor que a de calquer outra persoa. Todos temos os nosos
problemas, estes son os meus, pero non hai neste mundo quen careza de retos que
superar e polo menos eu teño claro o tratamento que é efectivo para controlar
todo isto é a posibilidade aberta de que un transplante me traia de volta case
todalas cousas que agora boto en falta. Os que pasamos moito tempo en hospitais
sabemos que hai xente moito peor, pero o certo é que calquera que vexa as
noticias daráse de conta do mesmo. Todas as limitacións que poida supoñer son
superables con un pouco de vontade, pero iso, ter esa vontade é unha labor
personal: podes recibir apoio e axuda pero ten que ser un mesmo quen comprenda
que a tua vida será o que fagas dela.
Seguindo co guión e acerca do meu día a día na unidade, a
meirande parte das miñas xornadas no hospital transcorren plácidamente. Non
direi que non hai días nos que algún vaivén da tensión faiche a vida un pouco
mais difícil, pero son os menos. A xente que traballa por aquí son uns
profesionais estupendos que ademais intentan facerte sentir o mais cómodo
posible e sempre están dispostos a explicar aquelo que non sabes ou comentar o
que te preocupa. O seu maior problema é que quizás os medios cos que traballan poderían
ser mellores, pero esa cuestión ten outros culpables, uns que nunca leerán isto
por que lles ten sen cuidado. Aproveito esta líneas para expresarles o meu
sincero agradecimento e o recoñecemento polo traballo que fan e que non se lles
valora.
Gustariame, por ultimo, rematar transmitindo a miña
gratitude á familia e ós amigos por estar sempre ahí, e desexolle ánimo a todos
os que comparten a miña situación e outras que, mellores ou peores, teñan que
soportar.
Comentarios
Publicar un comentario